ਕਿਸੇ ਬਜ਼ੁਰਗ ਨੇ ਗੱਲ ਸੁਣਾਈ ਕਿ ਇੱਕ ਪਿੰਡ ਦੇ ਮੁੰਡੇ ਦਾ ਦੂਜੇ ਪਿੰਡ ਦੀ ਕੁੜੀ ਨਾਲ ਇਸ਼ਕ ਹੋ ਗਿਆ ਪ੍ਰਵਾਰ ਵਾਲੇ ਮੰਨਦੇ ਨਹੀਂ ਸਨ ਆਖਰ ਦੋਨਾਂ ਮੁੰਡੇ ਕੁੜੀ ਨੇ ਫੈਸਲਾ ਕੀਤਾ ਕਿ ਅੱਜ ਰਾਤ ਨੂੰ ਘਰੋਂ ਭੱਜ ਨਿਕਲਦੇ ਹਾਂ , ਮੁੰਡੇ ਨੇ ਕਿਹਾ ਮੈ ਪਿੰਡ ਤੋਂ ਬਾਹਰ ਪੈਂਦੇ ਸੂਏ ਤੇ ਉਡੀਕ ਕਰਾਂਗਾ ਕੁੜੀ ਨੇ ਕਿਹਾ ਕਿ ਠੀਕ ਹੈ ਮੈ ਰਾਤ ਨੂੰ ਘਰੋਂ ਭੱਜ ਆਵਾਂਗੀ ,ਜਦ ਪ੍ਰਵਾਰ ਵਾਲੇ ਸਾਰੇ ਸੋਂ ਗਏ ਕੁੜੀ ਨੇ ਘਰ ਬੰਨੀ ਊਠਣੀ ਖੋਲ੍ਹੀ ਤੇ ਉਪਰ ਸਵਾਰ ਹੋ ਕੇ ਉਹ ਸੂਏ ਨੂੰ ਪਾਰ ਕਰਨਾ ਸੀ ਜਿਸ ਦੇ ਪਾਰ ਉਹ ਮੁੰਡਾ ਉਡੀਕ ਕਰਦਾ ਸੀ ਕਹਿੰਦੇ ਜਦ ਕੁੜੀ ਨੇ ਸੂਏ ਵਿੱਚ ਊਠਣੀ ਨੂੰ ਵਾੜਿਆ ਸੂਏ ਵਿੱਚ ਬਹੁਤ ਪਾਣੀ ਸੀ ਤੇ ਅੱਧ ਵਾਟ ਜਾ ਕੇ ਊਠਣੀ ਪਾਣੀ ਵਿੱਚ ਬੈਠ ਗਈ ਮੁੰਡਾ ਸੂਏ ਦੇ ਪਾਰ ਉੱਚੀ ਉੱਚੀ ਅਵਾਜ ਮਾਰ ਰਿਹਾ ਸੀ ਕਿ ਛੇਤੀ ਕਰ ਕੁੜੀ ਕਹਿਣ ਲੱਗੀ ਊਠਣੀ ਦਾ ਇਸ ਤਰ੍ਹਾਂ ਪਾਣੀ ਵਿੱਚ ਬੈਠ ਜਾਣਾ ਇਸ ਦੀ ਪੁਰਾਣੀ ਆਦਤ ਹੈ ਅਸਲ ਵਿੱਚ ਇਸ ਦੀ ਮਾਂ ਵੀ ਇਸੇ ਤਰ੍ਹਾਂ ਕਰਦੀ ਸੀ, ਜਦ ਇਹ ਗੱਲ ਮੁੰਡੇ ਦੇ ਕੰਨੀ ਪਈ ਕਹਿੰਦਾ ਮੁੜ ਜਾਹ ਉਨੀ ਪੈਰੀ ਭਲਾ ਹੋਵੇਗਾ ਜੇਕਰ ਇਸੇ ਤਰ੍ਹਾ ਸਾਡੇ ਵੀ ਕੋਈ ਧੀ ਜੰਮ ਪਈ ਉਹ ਵੀ ਤੇਰੇ ਵਾਂਗ ਇਸੇ ਤਰਾਂ ਘਰੋਂ ਜ਼ਰੂਰ ਕਿਸੇ ਮੁੰਡੇ ਨਾਲ ਭੱਜੇਗੀ ਕਿਉਕਿ ਇਹ ਆਦਤ ਖੂਨ ਵਿੱਚ ਚਲੇ ਜਾਂਦੀ ਹੈ।
ਹਰਜਿੰਦਰ ਸਿੰਘ ਬਿਸਤ ਦੁਆਬ
